Стратешки цели на Здружение на граѓани Институт за Алцхајмерова болест и Невронаука Скопје се:
- Поттикнивање на развој и подобрување на постоечката грижа (медицинска, социјална , правна и др.) за лицата кои боледуваат од Алцхајмерова болест;
- Основање на разни облици на помош и грижа за лицата со Алцхајмерова болест;
- Унапредување и основање на вонинституционален облик на грижа на лицата со Алцхајмерова болест;
- Помагање на лицата со Алцхајмерова болест во решавање на социјално-здравствената заштита, во остварување и користење на законските права преку организирање на советувалиште;
- Помагање на членовите на семејствата на болните од Алцхајмерова болест во решавање на здравствени, социјални, правни и др.проблеми, како и остварување наслужбен статус на негувател;
- Пружање на психо-социјална поддршка на семејствата на заболените;
- Организирање на собири со професионални здравствени и социјални работници, членови на семејства на заболените, граѓани и јавност со цел информирање, подигнување на јавна и професионална свест, едуцирање и поттикнување на активности во корист на лицата со Алцхајмерова болест;
- Едукација на членови на семејствата, професионални негуватели, медицински сестри и лекари, останати здравствени и социјални работници, студенти и ученици на сродни факултети и училишта;
- Едукација на пошироката јавност како и на лекарите од примарна здравствена заштита со цел порано препознавање и откривање на Алцхајмерова болест во ран стадиум;
- Сензибилизација на јавноста за проблемите на лицата заболени од Алцхајмерова болест и нивните негуватели;
- Дестигматизација на лицата заболени од Алцхајмерова болест и други деменции;
- Објавување и печатење на стручни трудови и едукативни материјали;
- Ко-организација и учество во работата на стручни собири кои ги организираат други организации од областа на невронауката и менталното здравје;
- Унапредување и промоција на здрави животни навики со цел здраво стареење;
- Посредување во обезбедување на потребни реагенси, маркери и други лабораториски, технички и др.дијагностички алатки со цел унапредување на дијагностичкиот протокол за рана дијагноза на деменции;
- Органицирање на стручни едукативни работилници, симпозиуми, конференции, конгреси;
- Едукативна и апликативна дејност од областа на невронауката;
- Обезбедување на правна помош на лицата заболени со Алцхајмерова болест, лица со други деменции и невродегенеративни болести, како и на членовите на нивните семејства;
- Дел од предвидените цели, може да се имплементираат кај лица со други деменции и невродегенеративни болести.
Покрај основните цели и задачи Здружение на граѓани Институт за Алцхајмерова болест и Невронаука Скопје работи и организира активности за:
Имплементација на меѓународни стандарди и едукација од областа на правата на лицата болни од Алцхајмерова болест содржани во меѓународните конвенции, билатерални и мултилатерални договори ратификувани од страна на РСМ;
Одржување на обуки, работилници, тренинзи, семинари и едукација на граѓани, млади кадри, медиуми, приватен и јавен сектор, други НВО со слична програма на дејствување;
Дествување заради зајакнување на соработката на граѓанскиот и владиниот сектор во остварувањето на основните права на лицата болни од Алцхајмерова болест и нивните семејства;
Истражување, превземање на активности и предлагање на мерки до надлежните органи, институции и стручни служби заради развој и унапредување на права на лицата болни од Алцхајмерова болест и нивните семејства;
Соработка и вмрежување со меѓународни организации и фондации со цел развој и унапредување на права на лицата болни од Алцхајмерова болест и нивните семејства;
Организирање на меѓународни акции и активности и соработка со домашни и странски здруженија на граѓани, асоцијации и фондации заради унапредување и развој на права на лицата болни од Алцхајмерова болест и нивните семејства.
